شو هالنقاش المجحف ؟؟؟
أنا هون ما للدفاع عن الزواج من سورية لأني ضد أنو أي سورية أو أي سوري يتزوجوا من برات بلدون ..
وللأخوة اللي بنظرهم المرأة السورية هي إنسانة طماعة فهدا الكلام جداً زعجني .. إي ممكن تكون قبلت فيه
لأنو ميسور الحال ولكل بنت طموحاتا فيه كتير بنات بهمون يكون غني ليعيشوا هني وأولادهم عيشة مرتاحة وبحب شير لملايين الأزواج الخليجيين اللي ما بهمون ببناتنا إلا الجمال يعني إذا الوحدة اهتمت بخليجي للمال فهوي بالمقابل مهتم بالجمال واللي ما عاجبتو لهجتنا "المدلعة" فهيك الله خلقنا منحكي رجال ونسوان وبعتقد إنها لهجة رايقة وبتجنن وبشهادتكون أنتو نفسكون اللي عم تعترضوا وقبل ما تحاسب بنات الناس ليش بحبوا يروحوا على أهلون وبلدون وهدا حقون المشروع .. روح حاسب الخليجيين اللي بيتصرفوا بوحشية ببلادنا حتى مع زوجاتون .. وروح اسأل فندق السفير بحمص عن البنت اللي ماتت ليلة عرسها من حوالي 5 سنوات وأكيد في متلها متايل .