السلام عليكم ورحمة الله وبركاته
سيداتي وسادتي أسعد الله أوقاتكم بكل خير نيابةً عن الخطوط البرية ههـ
نرحب بكم على متن الرحلة رقم 025 المتجهة بمشية الله وحفظة إلى الدمام ..
يستغرق زمن رحلتنا حوالي الـ 4 ساعات نحلق خلالها على أرتفاع 1 قدم .. لسلامتكم
وراحتكم نرجو البقاء في مقاعدكم مع أحكام ربط الأحزمة .. وشكراً ..
طولنا كتير ههـ .. طبعاً الرحلة هي للسعودية هالمرة .. وبالسيارة
هو أنا مو أول مرة أروح السعودية بس الدمام أول مرة أروحها يعني
وبالسيارة أول مرة .. لأن عمي كان عليه منع دخول السعودية
وقلنا نجرب يمكن شالوووه لأن صارلهـ فوق الـ 10 سنوات
والحمد لله مافي أي مشاكل .. وراح نتابع الرحلة مع بعض بإذن الله تعالى
قبل كل شي السيارة هيـ كيا جيب .. الوقت كان الساعة 3.30 ظهراً
وكان وقتها يوم الجمعة .. والله لا يورجيكم الزحمة ههـ .. راح تشوفونها مع بعض ..
طلعنا من البحرين متجهين لتأمين السيارة
طبعاً عطيناه الأوراق وننتظر يرجعهم .. ودفعنا 750 فلس .. تأمين ما ادري شنو يسموه
مشينا على الجسر ووصلنا للمحطة الثانية الي تدفع فيها دينارين لدخول السعودية
ننتظرها تفتح عاد ههـ
الحمد لله خلصنا كل الأجراءات .. وأحنا الحين على الجسر
ذكرني بأيام الشام .. ههـ يلا كلها شهر 2 وراح نورجيكم التصوير على أصولهـ
خلصنا من الجسر .. والحين جى وقت الـ أمم ما ادري شسمه بس هنا على ما اعتقد الختم للجوازات
على يمييننا فيـ هذا
عاد هنا الوقعة .. الله لا يورجيك السيارات ههـ نار .. لأن كان يوم الجمعة
فـ أجباري بيكون زحمة
غابت الشمس وأحنا واقفين ننتظر
هههـ شو رأيكم بهالزحمة
اخيراً وصلنا .. ههـ شوفوا الي واقف جنبنا .. دبابة
يمى يمى .. هنا لسى الزحمة أكثر .. بس أسرع
عموماً خلصنا كل شي وأنطلقنا وهناك كان في مثل الأستراحة
وقفنا فيها علشان الصلاة .. وبعدها ننطلق للدمام
صلينا وكل شي ، والحين أعطيها على هالجسر
الجسر طوووويل
ولكمـ To السعودية .. أحنا الحين في السعودية
مجمع هذا ولا شنو ، ما ادري بالضبط
مطعم .. وايد حلو شكلهـ بس ما ادري اشلون أكلهـ
واقفين ننتظر على الأشارة
المهمـ .. هو عمي ترا يعرف بالسعودية كثير .. لأن كان يشتغل بالباصات أكثر من 20 سنة .. ويعرف كل شي .. وهنا أحنا بسوق الدمام
رايحين سوق الخضرة .. طبعاً الوالده طلبت هيك هههـ
خذينا خضرة مع انو برأي نفس سعر البحرين .. بس عمي يقول أرخص هناك
وبعدين طلعنا نروح نتعشى بالطازج .. وأحنا الحين ننتظر بهالزحمة
ألف الحمد لله على سلامتـك يا سلطان الخير
الحينـ وصلنا للطازج وهذا هو قدامنا ههـ
طلبنا 4 دجاجات مشوي .. بس غير شكل .. مع البيبسي والشبس طلعو بـ 10 دينار
بحريني .. لأن ما عندنا سعودي فـ أخذ على كل 9 ريال دينار بحريني
يا كثرهم بالسعودية
ما شاء الله .. بكل مكان ماكدونالدز
الحين عاد صار بدنا نرجع .. لأن هي الروحة بس علشان نشوف المنع انشال أو لا
قلنا نروح نعبي بانزين .. ويقول عمي أنه رخيص .. وبصراحة رخيص وايد
يعني كان بالسيارة ربع .. وعبيناها فل بـ 19 ريال بس ..
هذه المحطة الي وقفنا فيها
رجعنا للبحرين .. وهنا الختم علشان نطلع من السعودية ..
وفي معلومة نسيت أقولها .. الحين البحرينيين صاروا يطلعو بـ البطاقة الهوية
لدول الخليج .. فـ ما يحتاج جواز ..
وأخيراً وصلنا .. يخرب بيت الزحمة
الحين بدنا نوقف نشرب شاي .. فوق كل هالتعب ههـ وقفنا في هذه المحطة الي عند الجسر
بكل مكان موجود
هذا الي عندهـ شاي ههـ خذينا 4 بـ 4 ريال .. رخيص ههـ
كاسة الشاي .. تفضلوا
الحين طلعنا متجهيين للبحرين .. وهنا واقفين ننتظر دورنا
يلا راح نوصل
والحين هنا ما أدري شنو نسوي بالضبط .. يمكن تعطيه الملكية أو شي
واقفين ننتظر العم يخلص
وقفنا على هذه الأشارة وبعدها أنطلقنا للبحرين
وبالمناسبة التفتيش على طول مشوونا .. يعني ما وقفونا ووجع راس
ورجعنا بالسلامة .. لسلامتكم يرجى البقاء على مقاعدكم .. والأنتظار حتى الوقوف
الحمد لله على السلامة ، ونتمنى أن تكونوا أستمتعتوا برحلتنا ..
لكم مني تحية خاصة .. أخوكم يوسف ..
قريباً جداً ..
أطباء
مجربون من قبل نادي محبي السفر إلى سوريا
]
█║من البحرين للسعودية ، والتقرير المفصل║█ بالتفصيل الممل*
]
العرض العادي
