[اللورد]

ماهي أفضل وسيلة نقل أو مواصلات تستخدمها عند سفرك للشام ( من وجهة نظر شخصية ) ؟

هل هي : الطائرة - سيارتك الخاصة - الباص أو الحافلة......... ولماذا ؟

 

 

[الرساوي]

ياسلام عليك ياخوي لورد

موضوع رائع

انا بالنسبه لي افضل سيارتي الخاصه

على اي وسيلة نقل اخرى

هي صحيح تعب بس اذا وصلت هناك تنسى كل شي

اروح واجي على كيفي ولااجلس تحت رحمة الموصلات

وخاصة اذا كنت تعرف الشوارع كويس فالسياره متعه

تحياتي

[الـقـنـصـل]

والله انا على حسب اذا كنت ابي دمشق ولا راح اطلع منها فالطيارة احسن لي على قولتهم البس الجينز من مطار جده

اما اذا كنت ابي اتنقل بين المدن السوريه فالسيارة افضل
وهذا راي

[اللورد]

بالنسبة لي السيارة الخاصة أفضل لأن السفر والتنقل بمدن المملكة وأنت في طريقك لسوريا فيها متعة وثقافة لها نكهه ومتعه يعرفها كل من جربها

[عقيلات]

افضل طريقة للسفر بالنسبة لي

السيارة الخاصة

بس الضروف ماتجي على كيف الواحد

[SimpleGuy]

انا كمان مؤيد انه افضل شي السيارة
لان بامكانك تروح وتجي بكيفك ولكن السيارة السياحية افضل من الجبلي كالجيمس والهامر لانه في شوارع بدمشق تصعب الدخول اليها بهكذا سيارات
اضافة انه متل ما قال اخي ابوا فارس ما بنتظر التكاسي واوقف تحت في الحر الشديد صيفا او البرد شتاءً
لا على طول اشغل السيارة واطلع

[عادل المسعود]

هلا فيك اخوي اللورد سؤال و جيه ومفيد بنفس الوقت

انا شخصياً احب السيارة الخاصة بالذات اذا كانت فخمة وجديدة

السبب : معاد تحتاج تكاسي وشوفير يقلقك وتقل المصاريف والاهم تروح وين ما تبي بأي وقت والاهم الاهم وقت ما طنت في راسك رجعه للسعودية دق سلف وارجع خاصة وقت المواسم والحجوازات اذا كان فيه ضغط .. في عيد الفطر العام كانت رجعتي 5 العيد وطنت معي امدد يومين وجلست وبالاخير ما حصلت عودة الا بعد اسبوع السيارة تفكك من كل هالدوخة

تحياتي وتقديري لك اخي اللورد

اخوك : عادل

[عادل المسعود]

ونسيت اضيف شي لا تنسون الفرق بين السيارات عندنا وتكاسي الشام المكيف في الصيف البارد والحار في الشتاء تكاسيهم اغلبها ما فيها تكييف

[هبوبي]

والله السيارة لايعلى عليها ياكثر ماسافرت فيها لدول كثير مو بس الشام ....
بس على قول اخوي عقيلات مو كل مره تمشي ظروفك وتسمح بسياره
احيان انت معك خمسه ايام او اسبوع ولازم ترجع ؟؟
يبي لك يومين بالسيارة لين توصل بطريقه هذي مالك الا وارد بوينغ اطلع فيها وساعتين وانت تقلب راسك هناك

[ابو الياسر]

بعد السلام
تسلم أخي اللورد على الموضوع
وبالنسبة لي أفضل الطائرة ففيها راحة للبدن واستغلالاً للوقت