بسم الله الرحمن الرحيم
كما وعدكم بالسابق بنقل الصورة عن رحلتي لسوريا ... هنا اقولكم انه المشوار بدا
كانت الرحلة يوم الاحد الساعه 11 صباحا من على رحلة الخطوط السعودية من الدمام لدمشق
طبعا انا اكثر شي كنت مبسوط عليه اني لقيت رحله على الخطوط السعودية ومباشرة من الدمام دون المرور على اي منطقة ثانية مثل الرياض او جده بحكم البعد والانتظار بالمطار لوقت رحلتي الثانية
المهم دخلنا شحننا الشناط وختمنا الجوازات ، وبعدين وحنا رايحين للطيارة لقيناها طيارة صغيرة جدا المهم طلعنا الطيارة عرفنا ان عدد الركاب اللي تشيلهم 70 راكب
المهم ومع تقفيل الابواب بدا (( فلم الرعب ))
واحد من العيال اللي معنا قالي انه الطيارة هذي طلع عليها من قبل وسماها ( الهونداي ) لانها سيئه وحنا نقوله الله يستر
طلعت الطيارة وشوي يمين وشوي يسار وكل شوي تطلع وتنزل بشكل غير طبيعي لدرجه والله العظيم قلنا اننا محنا ماشين عشر دقائق وبتطيح الطيارة بس شوي اتوقع اننا تعودنا على وضع هالطيارة او ان الاحساس عندنا مات
والله شوي ويوم طلعت الطيارة فوق استقر الوضع قلنا يمكن الطيار يمكنه توه صاحي من النوم عشان كذا الطلعه ما كانت مضبوطه
وبس يوم قربنا مطار دمشق وقالوا اربطوا الحزام بدا فلم الرعب ( الجزء الثاني ) وبمعنى الكلمة هالجزء اقوى من الجزء الاول تصدقون يوم نزلت الطيارة قاموا الركاب يسلمون على بعض ويتحمدون على السلامة ...
بصراحه عشان ما نظلم الخطوط السعودية كان في شي ايجابي بالطيارة ذي تدرون وش هي
الوجبه
عندهم برياني دجاج مجنووووووووووووون
المهم اي واحد بيسافر بالمستقبل على هالطيارة يكتب وصيته قبل السفر اظن ان الطيارة ذي هي البرازيلية وهذي صورة للذكرى لطيارة الرعب
نزلنا المطار الساعة 2 ونص وختمنا الجوازات لوحظ وجود اعمال صيانه بقسم ختم الجوازات وطلعنا عشان ناخذ الشناط .. قعدنا اكثر من ربع ساعه الين ما جت الشنط كما هناك في اعمال صيانه بس وبعدها دورنا تكسي قالوننا انهم نقولهم برا اخذنا كابريس بالف ليرة للمساكن
على الطريق واضحه اعمال التوسعه
وبصراحه اكثر شي عجبني السيارة متفقين مع بدجت لتوفير السيارات كابريس رويال 2006 والله شي من الداخل
طبعا الشقه فعندي شقه ملك رحنا عليها وكلمنا الشغاله وقالت بتجي بكرا قلنا خلينا ننظف المجلس وهي تكمل الشغل بكرا <<< شغل عزوبية
وهذي الطله من البلكونه
والله جينا الشقه وكلنا الشوفير صاحبنا ابو خالد جابلنا كم غرض رئيسي ونمنا الجو يحتاج مكيف بالنهار بصراحه وبعد ثلاث ساعات قمنا من النوم ورحنا شرينا بطايق تلفون واحترنا وين نطلع مع ابو خالد البوابة ولا القرية بعدين قلنا خلينا نروح للشيراتون
ساحه الامويين
ويوم جيناه كان المطعم الايطالي والنوافير مقفل خلال الفترة ذي لانه جلساتها خارجية والجو بالليل برد وعندهم مطعم جانبي بس ما جازلي
قلنا خلينا نروح للربوه ورحنا على توشكا
تعشينا عندهم وقعدنا للساعه 2 بالليل ورجعنا
هذا اول يوم كان يوم متعب لاننا كنا مواصلين
وغدا لنا لقاء
مباشر من دمشق ... تحديث يومي بالصور
]
العرض العادي
