[بعيد النضر]

عدت بحمدالله يوم الخميس 17 /4/2008م .قادما من دمشق الى الرياض بعد رحلة استغرقت 15 يوما حيث وصلت مطار دمشق يوم الاربعا 2/4/2008 وكان المطار زحمة واستغرقنا ساعة لتختيم الجوازات حيث نزل معنا رحلة قادمة من دبي واخرى من الدمام واخري من اليمن سبع كونترات يقف امام كل منها اكثر من 20 شخص بصراحة كنت خايف لان ابو متعب لم يحظر القمة وقلت بيحطون الحرة فينا ولم اجد الا كل ترحيب . طلعت برا المطار لقيت الجو ماهنا فرق عن الرياض . توافدوا علي الشوفيرية كلن يريد يوصلني قلت الله يعطيكم العافية انا انتضر نسيبي يوديني حمص شوي الا ابو نسب مقبل سلمت عليه وشال الشنطة وعلى تكسيه ركبنا جاه العسكري قال عليك غرامة ليس تشيل ركاب من المطار من غير ماتسجل سيارتك بالمطار قال سيارتي حمصية وهذا نسيبي المهم الشرطي رفض طمعان برشه من ابو سعود المهم تناسيت الموضوع قال ابو نسب وين الضابط جاء الضابط وكان شاب محترم قال اسفين جدا هذا العسكري يجهل الانظمة شكرناه وتوكلنا على الله متوجهين لحمص وفي الطريق وقفنا با استراحة مقابلة لاستراحة طيبة تبعد عن الشام 45 كم تعشينا وكان الوقت المغرب يمكن الساعة 7م وكل ما اقبل الليل وقربنا من حمص يبرد الجو وتنخفض درجات الحرارة حتى بديت احس بالبرد اقبلنا على حمص وكنت غايب عنها 3 شهور كانها 3 سنوات اه ياحمص (مدينة السلام ) يتبع ********************************>> .

 

 

[عادل المسعود]

اخي العزيز

الف حمدلله على السلامة
نتمنى لك رحلة موفقة وجميل وشكرا لك على نقل تجربتك الجميلة من الشام
تحياتي لك

اخوك عادل

[نمر الحربي]

حمدلله على السلامة
أخي العزيز
سلامي لك

[بعيد النضر]

اخوي عادل واخي نمر شرفني مروركم

[بعيد النضر]

وصلت حمص تمام الثامنة والنصف ودقيت على صاحب شقة بالانشاءات وكنت مرتب معاه من السعودية ولكن لما جيت صاحب الشقة اعتذر وقال ان العراقي الي مستأجر الشقة مدد شهر ثاني وكان المفروض يطلع اليوم يقصد الاربعاء . المهم وداني عند اخوه ولما جيت عند اخوه لقيت عنده شقتين بالدور الاول وتخيرت وحدة منهن ممتازة ونظيفة اعطيها 4 نجوم ومني ومنه اخذتها 15 يوم بمبلغ 8000 ليرة وقال انا اكرمتك لانك جيت من طرف اخوي ولا ماعمري اجرتها بهالمبلغ قلتله بيض الله وجهك وهذا توفيق من رب العالمين .كتبت العقد بمكتب عقاري نظامي واعطيته 200 ليرة .قلت لابو نسب روح وتعال بعد ساعة واخذت دش حمام ونا الي البس لباس اهل البلد ( نصيحة اذا سافرت حاول انك تكون غير متميز عن اهل البلد الي انت فيه ) وانزل السوق القريب مني وملأ الشقة اغراض الطبخ والفاكهة والمكسرات وغيره شو الا ابو نسب يدق الباب وطلع معاه لبيته والا الاستقبال الطيب والعشاء الرائع والمته الي على الكيف ونتجاذب اطراف الحديث حتى الساعة 12 ليلا وبعدها سريت لشقتي وكان الجو باردا ووصلني ابو نسب بسيارته التاكسي ********************************> يتبع .

[الذيب الشمالي]

(( مسائكم ياسمين دمشقي ))

الحمد لله على السلامة

[jabbar]

يعطيك العافيه...........اخي - بعيد النظر


ومتابعين لهذه الرحله ............

[الشملاني]

الف الف الف الحمد لله على السلامه

[ابو الياسر]

ألف حمد لله على السلامة يالحبيب
ومادام لك ممسا ومرسا راح يحلى تقريرك لنا
فلا تبخل علينا بخبراتك يالغالي

[ســKSAــعودي]

الحمد الله على سلامة الوصول

بداية موفقة ... متابعين وبنتظارك ...

تحياتي