[:: sham ::]

السـلام وعليكم ورحمة الله وبركاته ..

بإذن الله متجه إلى سوريا بشهر يوليو ( رجب ) وبودي أخذ رايكم بالذهاب إلى

سوريا بالسيارة ، خصوصاً إن الرحلة ستكون بين 15 يوم إلى 21 يوم ..


أتمنى أستفيد من آرائكم

وإذا كنتم تؤيدوني ماهي المتطلبات اللازمة لشحن السيارة من مدينة الرياض إلى القريات ..

 

 

[الشملاني]

اخي العزيز

احسنت الراي فالسياره توفر عليك المصاريف الكثيره ومنها التكاسي التنقل من مدينه الى مدينه

والشحن من الرياض الى القريات مايكلف عليك شي 200 او 300 وريح راسك وسآل مجرب ولاتسآل خبير

واي مكان في سوريا تحبه توصله بدقيقه

تقبل احترامي

[أبو قاسم]

والله اختيار موفق تأكد من شحن السيارة قبل 3 ايام من السفر أظن ب 400 ريال والله يكتب لك الخير

[طربوش منقوش]

اتوقع الفترة الجاية بتكون زحمة لانه الموسم فلازم تحط في بالك اقل شي عشر ايام الين توصل السيارة بحكم انك ساكن بالرياض ...

وعشان تشحن السيارة روح للبسامي للنقل وبطلبون منك المبلغ مقدما تقريبا 400 ريال والتأكد انك صاحجب السيارة وبس ..

وللعلم تقدر تشحنها الين حدود درعا بعد بس يبيلها اجراءات ثانية لو حبيت اقولها لك ...

تقبل تحياتي

[الذيب الشمالي]

(( مسائكم ياسمين دمشقي ))

اخوي شام
انا معك برأيك خاصة اذا كانت القعدة بالشام اكثر من ثلاثة ايام لابد من سيارة
والإجازة قربت
واتوقع بعد ايام لن تجد حجز لنفسك بالطيارة بسبب الزحمة
وكذلك السيارة يبيلك ترسلها قبل السفر بمدة ايضا بسبب الزحمة
والأفضل انك من الآن تبدأ بالسؤال

[سفر99]

رحلات القريات مقفلة منذ 4أشهر وشحن السيارة 700 رايح جاي

[:: sham ::]

المشاركة الأصلية كتبت بواسطة الشملاني

اخي العزيز

احسنت الراي فالسياره توفر عليك المصاريف الكثيره ومنها التكاسي التنقل من مدينه الى مدينه

والشحن من الرياض الى القريات مايكلف عليك شي 200 او 300 وريح راسك وسآل مجرب ولاتسآل خبير

واي مكان في سوريا تحبه توصله بدقيقه

تقبل احترامي

معاك الحق
وأضيف على كلامك بإن السيارة تكسبك معرفة أكثر بالبلد
وجربت هذا الأمر بسفري للإمارات ..

وأكثر آمر يجعلني أفكر بالذهاب بالسيارة هو أختلاقي مع سائقي الخاص آخر سفرية ونكد على الروحة

[:: sham ::]

المشاركة الأصلية كتبت بواسطة أبو قاسم

والله اختيار موفق تأكد من شحن السيارة قبل 3 ايام من السفر أظن ب 400 ريال والله يكتب لك الخير

بالأمس سالت أحد الأصحاب
وذكرلي أن الأمر هذا السنة يختلف عن الأعوام السابقة

ولا بد من وضع السيارة قبلها بعشر إيام حتى السعر راح يكون تقريباً بـ 700 ريال ذهاب وإياب ..

أما من يريد الخدمة المميزة وخلال يومين تقريباً فراح يكون السعر 1500 ريال ..

أستغلال على كيفك

[السفير]

ياخي الان الطريق سريع الى قريب القريات

من الرياض الى القريات 1200 كم بالكثير 1300 كم
المؤكد منها الان 980 كم طريق سريع

اذا مشيت العصر بحدود الساعة الرابعة انشاء الله الساعة تسع بحائل
ثم مقارب لها بالمدة وانت بالحديثة يعني تقريبا الساعة 2 ليلا هذا اذا كان سرعك بحدود 120 كم
اقرب شقة او استراحة وريح بها ثم واصل سيرك
الطريق يوجد فيه خدمات ماعدى وصلة النفود ما بين حائل والجوف وهي تقريبا 300 كم احسب احساب البانزين فلل من حائل وثم بعد وصول طريق الجوف القريات فيه محطة بالرديفة لا تعداها وتوكل على الله
لكن الان فيه شيء مهم وهو غلاء البانزين في سوريا والإردن
يعني اذا كان سياركم تشرب بانزين اعرف بانه اذا كان حجم التانكي 80 لتر
تعبئته بسوريا يقارب 250 ريال سعودي

[مساء حمص]

اخوي اذا سيارتك متأكد منها

أمسك الخط وتوكل على الله

أنا مشيت من الرياض الساعة 10 بالليل قبل تطلع الشمس كنت طالع من منفذ الحديثة

والساعة 10 الصباح كنت بالشام