كيف الحال يا اخواني و اخواتي 00 أنا بعد ما شفت مشاركات الاخوة الاعضاء المميزة و الغنية ما عرفت شو بدي شارك عن سوريا قلت بشارك بشي عن ضيعتي الي انا منها 0 دير عطية 00 بتمنى تنال اعجابكم ان شاء الله .. طبعا دير عطية تابعة لريف دمشق
تقع ديرعطية على المنحدر الشمالي لهضبة القلمون بين جبال لبنان الشرقية غربا وجبل ديرعطية شرقا متوسطة الطريق الدولي الواصل بين دمشق وحمص . حيث تبعد عن العاصمة دمشق 80 كلم و عن مدينة خالد بن الوليد حمص 60 كلم . تتميز دير عطية بأنها من اكثر القرى السورية تحضرا و تخديما حيث يوجد فيها نادي رياضي و قصر للثقافة و جامعة القلمون و الكثير من المرافق الحيوية ز و تمتاز دير عطية بجوها الجميل صيفا مثل جو كل جبال القلمون و الهواء النظيف و هى تعد مصيفا للعديد من السوريين و المغتربيين .و كان لهجرة اهالي دير عطية في اوائل العشرينات و الثلاثينات من القرن الماضي الي دول امريكا الجنوبية و من ثم توجه اهل دير عطية للسفر و الاغتراب في دول الخليج من اوائل الاربيعينات و حتى اليوم و على رأسها المملكة العربية السعودية و الكويت و الامارات كان لهذا اثر كبير في تطوير البلد و تحديثا . هلأ يعني انا ما بعرف احكي كتير رح ورجيكون كم صورة عن البلد .
أول شي حمام السوق
في حمام السوق بتقدر بأسعار رمزية تتهنى بجو حمام السوق الجميل و بتقدر تحجز الحمام و تعزم كل اصدقائك لحالكون 00
تاني شي متحف قلعة دير عطية 00
هذا المتحف يحتوي على اكتشافات من منطقة القلمون و طرق عيش السكان على مر الأجيال . طبعا لا يرقى لمستوى متاحف الشام و حلب بس منيح على مستوى ضيعة 00
و تالت شي مسبح نادي دير عطية الرياضي 00
مسبح مخصص للأطفال و العائلات
كذلك تستضيف دير عطية سنويا انطلاقة مرحلة رالي سورية الدولي وهذه صور من رالي 2009
البطل السعودي يزيد الراجحي متسابقا في اراضي دير عطية خلا ل المرحلة السادسة ( حكيت معو مرتين ) معو بيجو 207 بتجنن 00
وهذه صورة التتويج 0 يزيد الراجحي مركز أول و مسفر المري مركز تاني و التالت ما بعرف
كذلك تتمتع دير عطية بطبيعة جبلية نقية غير مالوفة و هذه بعض الصور 0
هون الصيد ممتع جدا لأن الأرض مكشوفة و في دير عطية موسم صيد سنوي يتم تنظيمه من قبل ناس مختصة 00
بساتين دير عطية غنية باشجار التين و الزتون و المشمش و الكثير من الأشجار المثمرة و الحراجية 00
كما يوجد في دير عطية الكثير من الفيلات المفروشة للتاجير و كذلك قامو بإفتتاح مبنى فندقي للشقق الفندقية و فرشه حلو و اسعارو مناسبة كتير و هيدي بعض صور00
هلأ بدير عطية عم يجي خليجين يستأجرو مع عائللاتهم و يستغلو توسط المسافة بين الشام و حمص و هيك عم يطلعوا عاالشام مسافة 80 كلم و يرجعو باليل ينامو في دير عطية الجو صافي و البيئة نظيفة للعائلات احسن من الشام هيدا غير ذهابهم لحمص و ريف حمص تاني يوم مثلا و ه أوفر كمان هيك عم يستغلوا وقت الاجازة اقص حد مع كل الراحة 00
طبعا ما منسى جامعة القلمون الخاصة الموجودة في دير عطية و كذلك مشفى دير عطية بمواصفات عالمية و هو مجانا للسوريين و العرب و و دير عطية فيها الكثير من الاطباء كل الاختصاصات 0
طولت عليكم سامحوني بس انا أول مرة بنزل موضوع فيه صور و لولا اني استعنت بالموضوع المثبت في المنتدى كنت فتت بالحيط 0 شكرا كتير لإدارة المنتدى
لسة في كتير شغلات و منشات في دير عيطة في الحلقة المقبلة بخبركون عليها
يا ريت تزورونا في دير عطية وو تتعاملنو معنا نحن ناس مع كل التطور و التظيم لساتنا فلاحين 0 اتمنى ان تقومو بزيارة بلدي ضيعتي الحلوة دير عطية و هيدا صور منظر عام اخيرا 00
بتمنى تعطوني رايكون بضيعتي
السلام عليكم
التعديل الأخير تم بواسطة perlag ; 07-03-2009 الساعة 01:57 AM.
كيف الحال يا اخواني و اخواتي 00 أنا بعد ما شفت مشاركات الاخوة الاعضاء المميزة و الغنية ما عرفت شو بدي شارك عن سوريا قلت بشارك بشي عن ضيعتي الي انا منها 0 دير عطية 00 بتمنى تنال اعجابكم ان شاء الله .. طبعا دير عطية تابعة لريف دمشق
يالله عليك ماشالله عليك بارك الله فيك اهلا وسهلا فيك عضو جديد ومشاركه جديده قويه ومعلومه جدا مفيده احييك من القلب وشكرا على المجهود
ودمت بحفظ الرحمن
اخي الكريم ( مو منشان شي ) أشكرك جزيل الشكر على ردك و ان شاء الله هاد تشجيع الي و انا رح حاول ورجيكون مناطق و اماكن و نشاطات الكتير ما بيعرفوها . شكرا شكرا على الرد الجميل
اخي الكريم الذيب الشمالي . شكرا جزيلا جدا على مرورك الكريم . و صدقني هالمنتدى شجعني على هالمواضيع .. بتمنى تزورونا هون .. و مشان الله الجميع معزومين عندي اي حدا رايح من الشام عالشمال السوري يمر لعندي سهلة كتير بعد النبك و انت جاي من الشام . و الي بدو يجي ترى نحا حاضرين للطيبين ضيف كريم على راسنا . شكرا شكرا ياالذيب
موضوع جميل و ضيعة أجمل
من جملة ما أثار انتباهي المستشفى التعليمي
أتساءل هل يمكن أن يقبلوني كمتدربة في المستشفى الصيف المقبل علما أني سأكون آنذاك قد أنهيت السنة الخامسة و علما أننا ندرس باللغة الفرنسية
دير عطية عروس جبال القلمون 00
مرتين ) معو بيجو 207 بتجنن 00
العرض العادي
