[هبوبي]

السلام عليكم ورحمة الله وبركاته ,,,

اطرح بين ايديكم مطلبي وكلي امل بالمساعده ...

انا مسافر ان شاء الله بعد اسبوع الى سوريا بالطائرة وابي استاجر سيارة من نوع حديث يعني جديده
مثلا كابريس لومينا ماكسيما شي مثل كذ1 ...
انا متعود دايم اروح بسيارتي لكن السياره الان عليها مشاكل ولااقدر اطلع فيها
وانا رحلتي كلها خمسة ايام مايمدي اروح بالسياره ابد ...

انا سمعت ان ايجار السيارة هناك موجود بس المشكله انك اذا رجعت السياره طلع لك فيها مليون بلاء وعله ..
وهي من قبلك خربانه من الداخل طبعا المحركات وكذ1 ...
الان ابي فزعتكم اذا احد يعرف مكتب عنده سيارات ممتازة وعليها تامين ويكون مالي دخل لاسمح الله اذا صار حادث وكذ1
او طلع فيها مشاكل مالي دخل فيها من خراب وغيره وطبعا اذا كانت توها جديده مااعتقد انها راح يكون فيها خراب الا ماندر
اذا احد جرب ياليت يسعفنا مانبي التكاسي والصجه واللجه نبي سيارة عندنا متى مانبي نمشي نمشي المكان اللي نبيه
وسلامتكم

 

 

[مواسم الحب]

موضوع يستحق البحث والاجابه عليه....انا وغيري يفكر في هالموضوع....وياليت يأتى بالاسعار ان امكن

تحياتي هبهوبي

[ابو الشهيدين]

اذا تريد نصيحتى ابتعد عن ايجار السيارات في سوريا بالمره

وان كان لا بد هناك شركات عالميه موجوده بالمطار احسن وافضل انك تستأجر منها

[عقيلات]

لأسف لم تكتمل لدينا معلومات حول هذا الموضوع

و للعلم فقد ذكر احد الاعضاء مكتب يأجر سيارت

و لا انصحك بإستأجار سياره كبيره للزحمة

[الطيب الوافي]

اخي الكريم


تاجير السيارت في سوريا والله مشكلة ...

انا عن نفسي مااحب استاجر السيارت الخاصة بل احب استاجر السيارت السياحية اللي لوحتها زرقاء ...

في دمشق فيه شركة ( شام كار ) و ( يوروب كار ) وانا جربتهم وعندهم سيارات جديدة ويقبلون بطاقة الفيزا وسيارتهم عليها تامين شامل ..
ابحاول ادور على ارقامهم واعطيك هي ..........

[هبوبي]

تسلم مواسم حبيب قلبي
ابو الشهيدين يابعدهم والله انا ماودي في الايجار لكن انا مابي التكاسي ياخوي يغثوني وانا روحاتي كثير
عقيلات والله اني اكره الايجار في السعوديه ماعمري استاجرت لكن انا متعود على سياره تكون معي لاني من دون سياره احس اني ناقص وانا احب اسافر بسيارتي لكن عليها مشاكل من المرور ولا اقدر اطلع فيها ومثل ماقلت الرحله كلها خمسة ايام بس ؟؟؟

الطيب تسلم يالذيب حبيب قلبي والله انتظرك ياخوي ....

[عقيلات]

و اسعارهم الله يعطيك العافيه

[عادل المسعود]

اسف اخي هبهوووبي توني اشوف الموضوع
استئجار السيارات في سوريا شئ جميل وخاصة من المطار يوجد شركات لتأجير السيارات ولا فيه نصب ولكن ؟ ! الاسعار غالية كثير وذلك لغلاء اسعار السيارات اصلاً خاصة السيارات الحديثة غير التأمين انا مرة سألت عن سيارة بيجو 2004 بالمطار من شركة قالي تدفع تأمين 1000 دولار غير اجار السيارة اليومي هذا والسيارة بيجو شلون لو كابرس لا تفكر مثل السعودية السيارة كابرس أو لومينا عندنا يمكن بـ 200 الى 250 ريال عندهم أكثر من كذا بكثير والسبب يعود الى غلاء اسعار السيارات والجمارك وغيرة من التعقيدات لما تشتري سيارة تدفع رسوم كثيرة هناك ترسيم وما بعرف شو
انصحك تستأجر تكسي بالسائق أو سيارة خاصة بسائق حتى لا تتحمل مسئولية ما يحدث للسيارة بعض المكاتب تؤجر سيارات بسائق يعني مثل ما تستأجر تكسي والسعر سيكون أقل . ومكاتب التكسي والسيارات منتشرة في كل مكان بدمشق وسبق ان وضعت كروت لبعض مكاتب تأجير السيارات قد تعود اليها وتتصل وتتأكد منهم على الرابط :http://www.travel4syria.com/forum/showthread.php?t=696

لاني لم يسبق ان تعاملت معهم بصراحة ، انا تكسي وشوفير صديق واعطيه اي شي ما بيننا حساب بحكم العشرة الطويلة ومعي 24ساعة ما نخلي مكان ما نروحه .

تحياتي واشواقي لك اخي هبهوووبي

اخوك : عادل

[SimpleGuy]

تكرم عينك اخي هبوبي واسف بس ما قرات الموضوع من قبل انا اعرف مكتب في شارع وزارة التربية فيه مكتب تاجير سيارات وانا لاحظت عنده سيارتين هيونداي حديثين جدا ونظيفين هاد اللي انتبهتله وما بعرف ان كان في غيرهم عنده
وان تحب اي مساعدة تانية ما عليك الا ترسلي
والسلام

[ابو الياسر]

بعد السلام
أسف أخي هبووووبي لعدم تجربتي غير بالسيارة الخاصة والتكاسي وأريح بالي من مشاكل سيارات الايجار
اذا عندنا في السعودية وما نسلم من مشاكلها كيف هناك تضاعف في المشاكل
ونرجو من الأخوة من لديه ما يفيد فلا يتوانا في مساعدة أخونا